Baby Esferic en Grado (Asturias)

‘Baby Esferic’ é unha homenaxe á Terra. Fala da maxia que nos une ao planeta e aos seus habitantes a través de diferentes historias e paisaxes. Recomendado para bebés a partir de 6 meses e para nenas e nenos de todas as idades. Sen texto, cunha linguaxe delicadamente visual e estética minimalista, ‘Baby Esferic’ atrapa a maxia da Terra a ritmo de bebé.

Imaxinas ser testemuña do nacemento do noso marabilloso planeta Terra e compartilo co teu bebé? ‘Baby Esferic’ propón unha divertida viaxe para redescubrir e emocionarnos co noso fogar, con ollos de neno. Simpáticos habitantes esféricos hannos acompañar nesta aventura.

O amor e o respecto cara a nós mesmos e cara ao planeta que nos acolle son a semente que agasalla ‘Baby Esferic’ aos nosos máis pequenos, as mulleres e homes do futuro.

Aboon Teatro

En Aboon Teatro ofrecemos espectáculos para a primeira infancia, experiencias que estimulan a imaxinación de grandes e pequen@s e achegan a vivencia do bebé/nen@ ao adulto. Sentimos o teatro como un motor de cambio, un espazo transformador onde ampliar conciencias e conectar coa nosa humanidade. O amor profundo cara á primeira infancia, e o gran respecto pol@s nen@s e o seu imaxinario, son a nosa inspiración