- Este evento ha pasado.
Baby Esferic Grado-n (Asturias)
21 Octubre, 2023, 6:30 pm - 7:00 pm
‘Baby Esferic’ Lurrari egindako omenaldia da. Istorio eta paisaia desberdinen bidez, planeta eta bertako biztanleok batzen gaituen magiaz hitz egiten du. 6 hilabetetik aurrerako haurtxoentzat eta adin guztietako neska-mutikoentzat gomendatuta dago. Testurik gabe, delikatuki bisuala den lengoaia eta estetika minimalista batekin, ‘Baby Esferic’ lanak Lurraren magia harrapatzen du, haurtxo erritmoan.
Gure Lur planeta zoragarriaren jaiotzaren lekuko izatea eta zure haurtxoarekin partekatzea imajinatzen duzu? ‘Baby Esferic’ ikuskizunak bidaia dibertigarria proposatzen du, gure etxea berraurkitzeko eta harekin hunkitzeko, haur begiekin. Biztanle esferiko eta sinpatiko batzuk lagun izango ditugu abentura honetan.
Geure buruarekiko eta hartzen gaituen planetarekiko maita- suna eta begirunea dira ‘Baby Esferic’ lanak gure txikiei, etorkizuneko emakume eta gizonei, oparitzen dien hazia.
Aboon Teatro
Aboon Teatro konpainiak lehen haurtzarorako ikuskizunak eskaintzen ditu, handien eta txikien irudimena pizten duten esperientziak, eta haurtxoaren edo haurraren bizipena helduari gerturatzen diotenak. Antzerkia aldaketarako motor moduan sentitzen dugu, kontzientzia zabaltzeko eta gure gizatasunarekin konektatzeko espazio eraldatzaile moduan. Lehen haurtzaroarekiko maitasun sakona eta neska-mutikoekiko eta haien imajinarioarekiko errespetu handia dira gure inspira- zioa.