Hala, gure bizilagunak gehiago eta hobeto ezagutzeko helburuarekin sortu da Ipar Eszena Bidea, beste lurralde batzuetako produkzio eszenikoetara sarbidea izateko aukera emanez publikoari; izan ere, publikoak ez luke, bestela, horrelako aukerarik izango. Hartara, zenbait mendetik hona elkartzen gaituen ibilbide kultural eta historiko hori baliatuz, kultura bide berria sortu dugu antzerki eta dantza ikuskizunekin, topaketekin, tailerrekin, erakusketekin edo jardunaldi profesionalekin, Galiziako, Asturiasko, Kantabriako, Euskal Herriko eta, aurten lehen aldiz, Nafarroako produkzio eszenikoen kultura, hizkuntza, formatu eta lengoaia aniztasuna plazaratzeko. 

2022 honetan, Ipar Eszena bidearen laugarren edizioa egingo da. Edizio alaia izango da, elkartzea eta hedatzea izango duena xede, espazio gehiagorekin, jarduera gehiagorekin, bira egingo duten inoiz baino konpainia gehiagorekin eta bi lurralde gehiago inplikatuta daudela: Araba eta Nafarroako Foru Komunitatea. Bidegurutzea sormenerako egonaldien sarea sendotzea, oinarriak malgututa eta emendatze ekonomiko garrantzitsua eginda parte hartuko duten konpainientzat, PRO Erromes Gela (Lugo) topaketa profesionalera gonbidatutako agente profesionalak eta programazioa zabaltzea eta bai sendotzea ere, eta Arte Dramatikoko Goi Mailako Eskolak bidean atalaren barnean goi mailako eskolekin elkarlanean aritzeko proposamen berria, ikasleak eta bira egiten ari diren konpainia profesionalak harremanetan jartzeko. Horiek dira aurtengo berrikuntzetako batzuk, Ipar Eszena Bidea hazi egingo den urte baterako, proiektuari jarraipena emanez hasierako helburu berberak izanda.

Gure arte eszenikoetarako bide berriak sortzen jarraitzen dugu.