Sobro el proyectu

Camino Escena Norte ye un proyectu promovido poles asociaciones Escena Galega, EscenAsturias, Acepae y Eskena articuláu alredor d’un nuevu itinerariu d’intercambiu cultural que toma la ruta histórica de los Caminos de Santiago como referencia para xuna intensa programación escénica, espandida amás nos campos de les sinergías sectoriales, la relación col públicu o la reflexón.

Camino Escena Norte surde asina coles mires de conocer más y meyor a los nuesos vecinos y vecines, dando la posibilidá al públicu de tener accesu a producciones escéniques d’otros territorios a les que d’otra manera nun aportaríen. Aprovechando esta ruta cultural y hestórica que nos xune dende va sieglos creamos un nuevu camín de cultura con espectáculos de teatru, danza y nuevu circu, alcuentros, talleres o xornaes profesionales, nel qu’amosar la diversidá cultural, llingüística y de formatos y llinguaxes escénicos de la producción escénica gallega, asturiana, cántabra, vasca y, anguaño per primer vegada, Navarra.

En 2022 Camino Escena Norte celebra’l so 4ª edición, nuna edición allegre, aglutinadora y espansiva con más espacios, más actividaes, más compañíes en xira que nunca y dos nuevos territorios implicaos: Álava y la Comunidá Foral de Navarra. Un refuerzu de la rede d’estancies de creación Crucies, cola flexibilización de les sos bases y un importante aumentu económicu pa les compañíes participantes, la espansión y tamién refuerzu de la programación y axentes profesionales invitaos/as al alcuentru profesional Habitación Pelegrina PRO (Llugo) o la nueva propuesta de collaboración coles escueles cimeres ESADS en Camín, que va poner en contactu al so alumnáu con compañíes profesionales en xira, son dalgunes de la novedaes d’anguaño, nel que Camino Escena Norte crez, dando continuidá al proyectu colos sos oxetivos intactos.

Siguimos creando nuevos caminos pa les nueses artes escéniques.

Iniciativa promovida por | Sustatzaileak