Sobre o proxecto

Camiño Escena Norte é un proxecto de intercambio cultural por medio das artes escénicas entre Galicia, Asturias, Cantabria, Euskadi e Navarra que, promovido polas asociacións Escena Galega, EscenAsturias, Acepae, Eskena e Escena Navarra, despregará este 2024 unha intensa programación de actividades en 60 sedes destas 5 Comunidades, por medio do circuíto de teatro, danza e novo circo Itinerario Constelacións e da programación expandida Camiño Expandido, con encontros, obradoiros, accións de formación ou estancias de creación artística.