Con 24 anos de vida ESCENA GALEGA é a asociación de referencia do sector profesional en Galicia, actualmente con 57 compañías asociadas. Somos un colectivo comprometido coa defensa da lingua e a cultura como ben común, que traballa na interlocución coas institucións e cos distintos axentes implicados na modernización do sector das artes escénicas e que busca conexións estratéxicas con asociacións afíns doutros territorios.
A Asociación de Compañías Profesionais de Artes Escénicas de Asturias (ESCENASTURIAS) constitúese no ano 2018 tras a unión das dúas asociacións de empresas de artes escénicas da rexión (FOROESCENA e ACPTA) Integrada actualmente por 35 compañías vinculadas profesionalmente ao mundo do espectáculo, ten o propósito de promover as artes escénicas que se fan en Asturias e contribuír á súa proxección a nivel nacional e internacional.
A Asociación é unha entidade que engloba a 24 empresas creada co obxectivo de reunir produtoras de teatro, danza, circo e maxia de Cantabria. Ha de servir como órgano de coordinación, representación, xestión, fomento e defensa dos intereses xerais dos seus membros. Entendemos a Asociación como unha necesidade para abordar o ordeamento e vertebración do noso sector e conseguir o recoñecemento e a dignificación do noso oficio.
A asociación ESKENA creouse en 1995 co obxectivo de dar voz, espazo e oportunidades ás diferentes empresas do mundo teatral vasco. Na actualidade está formada por 29 produtoras. Somos unha asociación que traballa para a mellora da comunicación, a estabilidade e o desenvolvemento das empresas do sector na nosa comunidade. Levamos máis de 30 anos sendo unha referencia consolidada como promotora e interlocutora das artes escénicas en Euskadi.
Desde 2011 Eskena encárgase de xestionar o Centro de Innovación Escénica Harrobia sito en Bilbao.
A Asociación Empresarial Escena Navarra, ESNA, é unha asociación profesional de empresas de produción escénica que traballan na Comunidade Foral de Navarra. Actualmente, ESNA componse de 8 empresas asociadas, todas elas cunha longa traxectoria na produción de espectáculos teatrais e de maxia, na asistencia técnica de espectáculos ao vivo, así como no desenvolvemento de diversos tipos de proxectos culturais e artísticos. Á súa vez, ESNA é unha das 15 organizacións que compoñen á Federación Estatal de Asociacións de Empresas de Teatro e Danza, FAETEDA, sendo na actualidade o único membro en representación do territorio navarro.
AESCENA é unha comunidade profesional de artes escénicas da Rioxa, diversa en linguaxes, formatos e traxectorias, unida polo compromiso coa creación artística e o desenvolvemento do sector. Creamos, investigamos, producimos, formamos e compartimos proxectos escénicos que dialogan co noso territorio e se proxectan máis aló del, desde o local cara a ámbitos nacionais e internacionais. Apostamos polas artes escénicas como un espazo de encontro, innovación e transformación social, promovendo a inclusión, a diversidade, a colaboración, a sustentabilidade e o respecto cara a todas as miradas que conforman a nosa comunidade.