Fronterizas en Santiago de Compostela (A Coruña)

1. Aceptarás o fracaso.
2. Odiarás as acrobacias e todas as espirais.
3. Non usarás o beixe.
4. Entenderás que a revolución non existe.
5. Asumirás que xa está todo inventado.
6. Tomarás unha decisión artística vital.
7. Santificarás o monstro que levas dentro.
8. Non esquecerás que política e estética son primas irmás.
9. Vivirás na fronteira de calquera disciplina.
10. Bailarás a propia morte.

Decidín facer a peza da miña vida, pois non sei perder. No guión, unha vaca tudanca, con tutú rosa, baila “Billie Jean” cruzando o escenario. Tamén contratei un alter ego no caso de que todo saíse mal. Como material coreográfico, pedinlle a miña nai que me enviase vídeos meus bailando dos VHS da familia. Unicamente ela e mais eu sabemos o duro que é nacer nos 50 e ter que utilizar o WeTransfer. O de non saber perder herdeino de miña nai. A peza non é moderna, odio todo o que se define por moderno. Si. Esta é a peza da miña vida e trabúcase quen pense que acabo de empezar.

Mari Paula – Dance & Performance

Tras Mari Paula atópase Mariana de Paula Ferreira (1984), bailarina, coreógrafa e xestora cultural en Cantabria. En 2017, outorgáronlle o Premio Nacional de Danza – Funarte Klauss Vianna por ‘Retrópica’. É directora da Plataforma Iberoame- ricana de Danza Las Vivas, presidenta da Asociación de Profesionais da Danza de Cantabria Movemento en Rede, vicepresidenta de FECED (España) e a súa compañía está enfocada no ámbito da danza contemporánea e a performance, dedicándose á formación, a creación e a xestión das artes vivas e a danza.