Santiago de Compostelako muga (A Coruña)

1. Porrota onartuko duzu.
2. Akrobaziak eta espiral guztiak gorrotatuko dituzu.
3. Ez duzu beixa erabiliko.
4. Iraultza ez dela existitzen ulertuko duzu.
5. Jada dena asmatuta dagoela onartuko duzu.
6. Hil edo biziko erabaki artistiko bat hartuko duzu.
7. Barnean daramazun munstroa santuetsiko duzu.
8. Ez duzu ahaztuko politika eta estetika lehengusu propioak direla.
9. Zeinahi diziplinaren mugan biziko zara.
10. Heriotza bera dantzatuko duzu.

Nire bizitzako pieza egitea erabaki nuen, ez baitakit galtzen. Gidoian, tudanka behi bat, tutu arrosa jantzita, “Billie Jean” dantzatzen ari da, agertokia gurutzatzen. Alter ego bat ere kontratatu nuen, dena gaizki ateratzen bazen edukitzeko. Material koreografiko moduan, amari eskatu nion nire bideoak bidaltzeko, dantzan agertzen naizenak, familiak dituen VHS- etatik. Amak eta biok bakarrik dakigu zeinen gogorra den 1950eko hamarkadan jaiotzea eta WeTransfer erabili behar izatea. Galtzen ez jakitearena amarengandik jaso nuen. Pieza ez da modernoa, gorroto dut modernotzat jotzen den guztia. Bai. Hau nire bizitzako pieza da, eta oker dabil hasiberria naizela pentsatzen duena.

Mari Paula – Dance & Performance

Mari Paularen atzean Mariana de Paula Ferreira (1984) dago, dantzaria, koreografoa eta kultura-kudeatzailea Kantabrian. 2017an Dantzako Sari Nazionala – Funarte Klauss Vianna eman zioten ‘Retrópica’ lanarengatik. Las Vivas Dantzako Iberoamerikar Plataformaren zuzendaria da, Movimiento en Red Kantabriako Dantzako Profesionalen Elkarteko lehendakaria eta FECEDen lehendakariordea (Espainia). Bere konpainia dantza garaikidearen eta performancearen arlora bideratuta dago, eta prestakuntzan, sorkuntzan eta arte bizien eta dantzaren kudeaketan jarduten da.