Fronterizas en Santiago de Compostela (A Coruña)

1. Vas aceptar el fracasu.
2. Vas tarrecer les acrobacies y toles espirales.
3. Nun vas usar el beige.
4. Vas entender que la revolución nun esiste.
5. Vas asumir que too yá ta inventáu.
6. Vas tomar una decisión artística vital.
7. Vas santificar el monstruu que lleves dientro.
8. Nun vas escaecer que política y estética son primes her- manes.
9. Vas vivir na frontera de cualesquier disciplina.
10. Vas baillar la propia muerte.

Decidí facer la pieza de la mio vida, pues nun sé perder. Nel guion, una vaca tudanca, con tutú rosa, bailla “Billie Jean” cruciando l’escenariu. Tamién contraté un alter ego nel casu de que too saliera mal. Como material coreográfico, pidí-y a mio ma que m’unviara vídeos mios baillando de los VHS de la familia. Namái ella y yo sabemos lo duro que ye nacer nos 50 y tener qu’usar el WeTransfer. Lo de nun saber perder here- délo de mio ma. La pieza nun ye moderna, tarrezo tolo lo que se define por modernu. Sí. Esta ye la pieza de la mio vida y equivócase quien piense qu’acabo d’entamar.

Mari Paula – Dance & Performance

Tres Mari Paula atópase Mariana de Paula Ferreira (1984), baillarina, coreógrafa y xestora cultural en Cantabria. En 2017 otorgaron-y el Premiu Nacional de Danza – Funarte Klauss Vianna por ‘Retrópica’. Ye directora de la Plataforma Ibero- americana de Danza Les Vives, presidenta de l’Asociación de Profesionales de la Danza de Cantabria Movimientu en Rede, vicepresidenta de FECED (España) y la so compañía atópase enfocada nel ámbitu de la danza contemporánea y la perfor- mance, dedicándose a la formación, la creación y la xestión de les artes vives y la danza.