SIENDES. Rede de collaboración con proyectos llocales
Esti 2023 ponemos en marcha una nueva iniciativa llamada Siendes, consistente na collaboración de Camín Escena Norte con un proyectu cultural de cada Comunidá, coles mires de crear sinerxies, al empar que damos fuercia y contestu al nuesu proyectu llocalmente y proxectamos fora de la Comunidá los proyectos llocales. Proyectos toos que coinciden territorialmente y en feches averaes con nós, claro.
La idea surde de la programación d’una de les funciones del Itinerariu Constelaciones 2022 en collaboración col FIOT (Festival Internacional de Outono de Teatru) de Carballo (Galicia) l’añu pasáu, que nos abrió la puerta a pensar qu’esta fórmula de programación conxunta podría ser una idea a treslladar a otros proyectos coincidentes en feches y territoriu. Anguaño estes Siendes van abrise con una collaboración con 5 iniciatives culturales estremaes de Galicia, Asturies, Cantabria, Euskadi y Navarra, anque non en toes elles vamos llevar a cabu inda una estratexa de programación conxunta.
Los 5 proyectos qu’abren estes “siendes”:
GALICIA
FIOT (Festival Internacional de Outono de Teatro), Carballo. (*) Yá con una función en collaboración nesta edición.
ASTURIES
Danza Xixón. (*) Yá con una función en collaboración nesta edición.
CANTABRIA
Programa Muyeres y Cultura, ámbitu rexonal.
EUSKADI
Bideart Zigoitia, Zigoitia. (*) Yá con una función en collaboración nesta edición.
COMUNIDÁ FORAL DE NAVARRA
Ribera en Danza, dellos ayuntamientos.