- Este evento ha pasado.
La bestia negra en Lugo (Lugo)
20 Outubro, 2023, 8:30 p.m. - 9:35 p.m.
A histeria (do termo “hestera”, que significa útero) era coñecida como unha gran besta negra que atemorizaba a todos os médicos.
La Salpêtrière é hoxe en día un hospital máis de París, pero a finais do século XIX foi un lugar habitado por 4.000 mulleres (mendigas, adúlteras, orfas, cegas, prostitutas, bohemias, lesbianas e un longo etcétera) que vivían entre a realidade do seu día a día e a representación teatral, exaxerada, exhibicionista e fotografada da súa suposta enfermidade: a histeria.
Este espectáculo é unha homenaxe a todas elas, pero tamén un intento de entendelas e, aínda máis, de querelas. Un espazo de xogo, onde o simulacro de ser o que non se é, e de representar unha e outra vez o que se espera, nos permitiu abrirlle a porta a outras mulleres, que viñeron despois, e que nos acompañan.
“Oxalá alguén, nalgún momento, as mirase con algo de amor”. Borja Roces.
Proyecto Piloto
A compañía de danza Proyecto Piloto fórmase no ano 2007. Desde o comezo realizou pezas propias, encargos e colabora- cións con diferentes disciplinas, como poden ser teatro, música, artes visuais, plásticas, performance…
Os procesos creativos xorden desde unha posición de partida aberta e flexible, cunha influencia poética receptiva, que vén directamente da danza e a dramaturxia máis experimental.