O Auditorio Municipal Gustavo Freire de Lugo, situado no Parque da Milagrosa, no popular barrio lucense co que comparte nome, é referente da Cidade de Lugo en materia de Artes Escénicas. Dotado cun aforo para 850 persoas en condicións normais, alberga durante todo o ano tanto os programas de artes escénicas do Ministerio de Cultura como representacións de empresas privadas. A Mostra de Teatro Clásico, o Festival Internacional de Cine de Autor, a Mostra de Teatro Universitario e moitos outros eventos complementan a súa programación. Dispón dun amplo aparcamento gratuíto e está situado nun entorno natural e tranquilo como é o Parque.
