”Yûgen”, La Banda Teatro Circo (Navarra)

Transitar por espazos temporais de luz e escuridade móstranos o camiño intrínseco da vida.
‘Yûgen’ é o encontro de tres almas que avanzan no seu camiño vital para descubrir como romper os muros da sociedade actual e así reconectar co sentido da súa esencia.

La Banda Teatro Circo é unha compañía creadora comprometida cun traballo escénico onde a improvisación e a investigación de novas linguaxes son os piares do proceso creativo.
Esta mirada busca desafiar os límites establecidos, internarse no descoñecido, mergullarse no máis profundo, perderse para logo renacer, medrar e dar vida a un universo propio.
Nos seus proxectos artísticos, conviven o circo, o teatro físico e a música, xerando unha narrativa visual, a través da cal buscan conectar, sorprender e mergullar o espectador nunha viaxe emocional.

Entrada libre ata completar a capacidade.