Por primeira vez Camiño Escena Norte traballa en accións de acompañamento aos espectáculos en centros de ensino das localidades do itinerario. Esta actividade específica consiste nunha charla sobre o proceso de investigación e creación do espectáculo, incluíndo dinámicas sobre como o actor protagonista aprendeu a rimar e sobre os contidos de RRSS que explora a obra, especificamente o relacionado coas relacións persoais e a sexualidade e o tipo de trato interpersoal e relacións de poder que xeran as RRSS.
Imparten: Tamara Canosa (directora, dramaturga e experta en perspectiva de xénero) e Roque Ruiz (actor protagonista do espectáculo).
Dirixido a: alumnado do centro, desde 3º de ESO ata 2º de Bacharelato.
Obradoiro de contextualización para alumnado do IES Sancho III El Mayor (quenda de mañá, no propio centro).