“Quintana” é o equivalente de “praça”, e ambas palabras designaban na terminoloxía medieval os espazos abertos de uso público. A Quintana foino por excelencia, acoutada pola cabeceira da Catedral, o mosteiro fundacional, o cemiterio de cóengos e a primeira casa consistorial.
A praza aparece dividida en dous planos. A parte inferior, a Quintana de Mortos, e a parte superior da praza é, por contraposición, a Quintana de Vivos. Á súa dereita ábrese o Pórtico Real, lugar de saída das procesións litúrxicas. O longo muro barroco que protexe a cabeceira románica da Catedral continúa cara á Porta Santa, meta dos peregrinos que chegan a Santiago de Compostela á procura do Xubileo que agarda os que atravesen a nova Porta Santa de bronce.
