La niña 104 / 104. Haurra
Navarra | Yarleku Teatro
‘La niña 104’ está nun orfanato desexando que a adopten, onde, do mesmo xeito que outras nenas na súa mesma situación, pasa os días confeccionando e cosendo pezas. Un bo día chega outra nena que parece que non comparte a ilusión da nena 104 polo traballo.
Con todo, quen queira que a escolla unha familia de adop-ción debe traballar duro e facelo todo perfecto.
Atopará cada unha delas unha familia que a queira?
Yarleku é unha compañía que xorde no ano 2003 coa arela de crear espectáculos de carácter socioeducativo nos que xuntar a visión plástica do teatro e a transmisión de valores.
Hoxe damos un paso máis. Apostamos firmemente pola accesibilidade, incorporando en tres das nosas obras –‘Los ladrones de tiempo’, ‘La niña 104’ e ‘La casa más pequeña’-catro medidas fundamentais que garanten unha experiencia escénica máis inclusiva:
- Audiodescrición e son amplificado individual.
- Subtitulado adaptado.
- “Touch circuíto” previo á función.
- Programa de man en lectura fácil.
Catro ferramentas que eliminan barreiras e amplían a vivencia teatral para que máis persoas poidan emocionarse, comprender e participar.
