Hamlet
Guayominí Producciones | Principado de Asturias
“Hamlet: Que ten este príncipe que o queren interpretar todos?
É un drama profundo ou un ‘culebrón’? Está tolo ou fai que o
está?”. Arantxa, Hugo e Patricia, actores con ideas distintas,
inténtanlle dar ao público o que quere, pero interrómpense
constantemente. Lograrán rematar a obra sen perderse en
monólogos eternos? Conseguirán facer a función máis absurda
e divertida da súa vida? E que quere o público do século XXI?
Con ritmo frenético, cancións en directo e participación do
público, esta versión de ‘Hamlet’ será unha montaña rusa de
risas e sorpresas.
Guayominí é unha compañía escénica fundada en 2015 e
centrada na produción de espectáculos dedicados ao público
infantil e xuvenil. Desde a súa creación, tivo unha presenza
moi relevante no ámbito rexional e nacional e recibiu o aplauso
da crítica e do público, así como o recoñecemento de ambos.
Guayominí recibiu apoio do Concello de Xixón, do INAEM, de
ASSITEJ, varias residencias artísticas do Centro de Recursos
Escénicos do Principado de Asturias e en 2023 obtivo o prestixioso
Premio Oh!, que recoñece a excelencia no teatro asturiano.
Guayominí é socia de TeVeo, de EscenaAsturias e de ASSITEJ
España. Entre os seus últimos espectáculos inclúense ‘Hamlet’
(2024), ‘caLORCAlor’ (2022), ‘Soy Cenizo’ (2022) e ‘Blancanieves
XXI’ (2019).
