Halley
Led Silhouette | Navarra
…1835, 1910, 1986, 2061…
Un fío une todo. O que se quere contar e o que non se pode
enumerar. Creastes rivais, tantos como aliados. Mesmo as
civilizacións máis avanzadas quedan atrás algunha vez. O
poeta escribiu que o universo vai cambiando, pero a xente
non.
Desde que aprendestes a abrir os ollos, non deixastes de observar
arredor de vós. Próximo, afastado, todo foi obxecto de
estudo. Aínda non vos decatades da capacidade de destrución
que tedes. 150.000 anos para chegar á estrela máis próxima.
Cada paso deixa unha pegada no tempo. Co peso da eternidade,
á velocidade da luz. Isto é unha vida. “Isti mirant stella”.
Led Silhouette (Premio El Ojo Crítico 2024 de Danza de
RNE) é unha compañía de danza afincada na vila navarra de
Lesaka, dirixida por Jon López e Martxel Rodríguez, intérpretes
e colaboradores habituais da compañía La Veronal.
En 2016 deciden internarse no mundo da creación, sentindo
unha profunda conexión coa capacidade da escena para provocar
emocións, liderando o proxecto composto por artistas
vinculados ás artes do movemento e á arte contemporánea.
O seu traballo destaca polo seu enfoque innovador na danza
contemporánea, combinando elementos vangardistas, bebendo
da danza-teatro ou mesmo do cine.
Led Silhouette demostrou un alto nivel de excelencia artística
nas súas producións, recibindo eloxios tanto da crítica como
do público.
