Ipar Eszena Bidea proiektuaren ardatza da, ia 70 egoitza zeharkatuko dituen arte eszenikoen ibilbidea, hain zuzen ere, sortutako lurralde kultural komuna osatzen duten 6 autonomia erkidegoetan barrena: Galizia, Asturiasko Printzerria, Kantabria, Euskadi, Nafarroako Foru Komunitatea eta Errioxa.

2025 honetan, 18 dira gure ibilbidearen hautaketa eratzen duten ikuskizunak, lengoaia, estetika eta ikusle-motaren aniztasuna gailendu den programazio orokorraren barruan. Galizia, Asturias, Kantabria, Euskadi, Nafarroa eta Errioxako arte eszenikoek eman dutenaren onenaren aukeraketa txiki bat da. Inoiz baino ekitaldi gehiago egongo dira 7. edizio honen programazioan.

Hain zuzen ere, programaren zutabeetako bat formatuen, estetiken eta lengoaien aniztasuna da; eta, beraz, espazioen zerrenda tipologietan ere askotarikoa da.

Hainbat espazio ditu, outdoor/historikoak/bitxiak, behar tekniko handirik ez duten ikuskizun moldagarrietarako, baina Ipar Eszena Bideak antzokiak, auditoriumak eta bestelako espazio eszenikoak ere behar ditu, ongi ekipatutakoak bai formatu handiko ikuskizunak bai eta italiar estiloko antzezpenak programatzeko.

Espazioen aniztasuna 6 autonomia erkidegoetan antolatzeko konstelazioen kontzeptua jaso dugu, Donejakue bideak egiten dituztenen gida eta lagun modura.