Hellen Keller, ¿La mujer maravilla?
Chévere | Galizia
Helen Keller izeneko emakume baten historia ezagutzean
hasiko da dena. Tuscumbian jaioa (Alabama, AEB), ospetsu
bihurtu zen 1904an Harvarden unibertsitate-titulua eskuratu
zuen lehen gor-itsua izatean mundu osoan. Memoria kolektiboan
haren bizitzaren alderdi hori finkatu zen, desgaitasun
bat gainditzeko ereduzko pertsona moduan.
Ipar Amerikako zenbait artxibotan ikertuta, haren aktibismo
politikoa ezagutu dugu, sistematikoki ezkutatu den haren
bizitzako alderdi bat. Zergatik? Nori interesatzen zaio hori
egitea? Emakume gorra eta itsua delako? Ez delako onartzen
AEBetan XX. mendeko pertsona ezagunenetako bat komunista
izatea? Desgaitasuna duen emakume bat ezin delako izan lider
antikapitalista bat?
Ikuskizun hau irisgarria da gor, itsu eta gor-itsuentzat.
Chévere antzerki-agitazioko konpainia bat da, bizkarrean
35 urteko baino gehiagoko lana duena. Era berean lotsagabea
eta egiazkoa den sorkuntza propioko proposamena naturaltasunez
edukitzen jakin du. 2014an, Antzerki Sari Nazionala
jaso zuen, bere gizarte- eta kultura-konpromisoarengatik eta
sorkuntza kolektiboko, generoen urraketako eta errealitatearekiko
konexio kritikoko ibilbide koherentearengatik.
1988az geroztik, Chéverek oso estilo eta formatu desberdinetako
ikuskizunak egin ditu. Umorea filosofia moduan eta pentsamendu
kritikoa tresna moduan erabilita, bere antzezlanek aurrez
aurre jartzen dituzte agertokian oraineko debateak duela gutxiko
iraganeko memoriarekin, oso askotarikoak diren publikoek
ulertzeko moduko lengoaia garaikide batekin.
Mota: Antzerki
- Publiko: Heldua
- Iraupen: 90’
- Hizkuntza: Gaztelania – Galiziera – Espainiako keinu-hizkuntza
- Estreinaldi: 2024ko otsailaren 16a. Salón Teatro, Santiago de Compostela (Coruña) – Galizia
Harremanetarako::
