¿Dónde están los niños?
Euskadi | Tartean Teatroa
Ohiz kanpoko gertaera bat kontatzen duen lan baten aurrean gaude: zortzi urteko neskato baten suzidio ahalegina.
Maddik, gure istorioko neskatoak, denboraldi luzea darama erakusten zerbait ez doala ondo. Ez dauka goserik, klaseko emaitzek behera egin dute nabarmen eta etxean muzin agertzen da gurasoek zer gertatzen zaion galdetzen diotenean. Azkenean, Leireren, psikologoaren, kontsultara eramatea erabakitzen dute. Hala ere, inork ezin du ezbeharra saihestu. Neskatoa larri zaurituta aurkitu dute itsaslabar batean.
Gertaera horretan oinarritzen da gaur egungo haurrek jasaten duten presioa erakusten duen antzezlana; izan ere, gizartea hautsita dago, maltzurki zorrotza da eta erabat depresiboa.
Tartean Teatroa taldeak sormen originalaren aldeko apustua egiten du. Hau da, konpainiak ikuskizun propioak sortu, ekoitzi eta zabaltzen ditu. Gure lan guztiak originalak dira eta taldean sortzen ditugu, hasieratik agertokian erakutsi arte. Antzerki garaikidea da, gure garaiko kezkei buruz hitz egiten duena, antzerki aristotelikoan oinarritua (hitza eta bilbea). Antzerki postdramatikoak eskaintzen dituen formak eta tresnak erabiltzen ditu, une bakoitzean eta proposamenak eskatzen duen neurrian. Antzerki mota honek komediaren eta tragediaren erregistroak erabiltzen ditu, eta askotan biak pieza berean konbinatzen ditugu: drama komediaren burbuilekin edo komedia dramaren ukituekin.
