¿Dónde están los niños?
Euskadi | Tartean Teatroa
Atopámosnos énte una obra que narra un fechu insólitu: l’intentu de suicidiu d’una neña d’ocho años.
Maddi, que ye como se llama la neña de la nuesa historia, lleva una llarga temporada amosando signos de que daqué nun va bien. Amuésase inapetente, les sos notes en clase empioraron considerablemente y en casa amuésase evasiva énte los intentos de los sos pas por saber qué-y pasa. A la fin, deciden llevala a la consulta de Leire, la psicóloga. Sicasí, naide puede evitar el tráxicu sucesu. La neña foi rescatada gravemente mancada al pie d’un cantil.
Sobre estos fechos ciméntase una dramaturxa que revela la presión a la que son sometíos los neños por una sociedá quebrada, cruelmente esixente y dafechamente depresiva.
Tartean Teatro apuesta pola creación orixinal. Esto ye, la compañía crea, produz y distribúi espectáculos propios.
Toles nueses obres son orixinales y creámosles en grupu, dende’l xerme inicial hasta’l so final sobre l’escenariu.
Ye un teatru contemporáneu que fala de les preocupaciones del nuesu tiempu, basáu nel teatru aristotélicu (la pallabra y la trama), utilizando les nueves formes y utilidaes qu’ufierta’l teatru posdramático, en cada momentu y según lo riquiera la propuesta.
Esti tipu de teatru usa rexistros de comedia y traxedia, y munches vegaes entemecemos dambos n’una mesma pieza: drama con burbuyes de comedia o comedia con toques de drama.
