El Teatru Riera foi inauguráu en 1945. La iniciativa de la so construcción partió de Laureano Riera, empresariu local, propietariu y responsable del teatru per décades, quien, en 1942, encargó'l proyectu al arquiteutu Fernando Cavanilles. La redolada del Teatru Riera ye un llugar privilexáu na villa, en plenu cascu antiguu.Nel añu 2003 el Teatru Riera foi adquiríu pol Conceyu de Villaviciosa pa la so remodelación y reapertura. A piques de cumplir 75 años, entá ye un de los principales centros culturales de Villaviciosa y la so contorna, allugando una intensa actividá escénica y cinematográfica. El teatru, d'espaciu escénicu a la italiana, cuenta con 270 localidaes, ente patiu de butaques y anfiteatru. Nel añu 2019 allugó 115 actividaes, sumando 14.000 espectadores ente conciertos, funciones de teatru, conferencies y actividaes asociatives.
