“Quintana” ye l'equivalente de “praça”, y dambes palabres nomaben na terminoloxía medieval a los espacios abiertos d'usu públicu. La Quintana foilo por escelencia, llendada pola cabecera de la Catedral, el monesteriu fundacional, el campusantu de canónigos y la primer casa consistorial.La plaza apaez dixebrada en dos planos. La parte inferior, la Quintana de Muertos, y la parte cimera de la plaza ye, por contraposición, la Quintana de Vivos. A la so derecha abrese'l Pórticu Real, llugar de salida de les procesiones llitúrxiques. La llarga muria barroca que protexe la cabecera románica de la Catedral sigue escontra la Puerta Santa, meta de los pelegrinos qu’aporten a Santiago de Compostela en busca del Xubiléu qu'aguarda a quien traviese la nueva Puerta Santa de bronce.
