Detrás de la Ilesia de Sta. María, separtáu pola escampada y antiguu campusantu de la ciudá y sobro los cantiles, atopamos un de los escasos castiellos calteníos en Cantabria; el conocíu en Castru Urdiales como Castiellu-Faru.Esta fortaleza formaba parte del conxuntu defensivu de la villa medieval, constituyida por una primer muralla qu'arrodiaba la escamplada na que s'asitien la ilesia y el castiellu, y otra muralla construyida dempués qu'arrodiaba la totalidá de la villa. Anguaño les sos instalaciones tán dedicaes a diversidá de propuestes culturales y escéniques, visites turístiques y esposiciones temporales.
