- Este evento ha pasado.
Los Perros en Castro Urdiales (Cantabria)
17 Septiembre, 2023, 7:00 pm - 7:50 pm
‘Los perros’ propón algamar un estáu de resistencia; como perros qu’analayen, perros que s‘atopen, que se reconocen vulnerables, que comparten allegría, pero tamién dolor, que cayen y se llevanten, que baillen, que se remonten al traviés del amor, l’arrogancia y el compromisu, p’atopar nesi trayectu común el sentíu de les sos propies vides, pa superar xuntos la violencia y el deterioru.
Una obra que viaxa dende’l trance de la repetición a la fascina- ción pola sucesión d’imaxes. Imaxes robaes del ayeri y llanzaes al mañana, del agora y untaes del pasáu, de la plástica contem- poránea a la forma atávica, terrenal, nun constante encruz de tiempos y de llinguaxes.
L’esplegue d’una danza pasional qu’atopa’l so sentíu más puru na repetición y na catarsis: baillar hasta la galdidura, llatir hasta l’abatimientu, vivir hasta l’amortecimientu. Dos homes abrazaos. Dos homes que baillen hasta que too termine y too vuelva entamar.
Led Silhouette
Led Silhouette ye una compañía de danza creada y dirixida por Martxel Rodríguez y Jon López, asitiada nel pueblu de Lesaka, Navarra. Al empar de la so actividá como intérpretes na compañía La Veronal, empecipien en 2016 la so etapa como creadores codirixiendo el colectivu de mozos artistes formaos en distintes disciplines de la danza ya influyíos pol arte contemporáneu.
Investiguen sobre nueves formes de movimientu col envís d’ufiertar la so propia visión de la danza contemporánea, construyendo una plataforma onde trabajar y facer de Led Silhouette daqué propiu.