Arriola Antzokia Elorrioko Udalaren jabetzakoa da, eta Arriola Kultur Aretoa Elkarteak kudeatzen du. Elkarte hori 1988an jaio zen, Elorrioko kultura-elkarteen eskariz, garai hartan kultura-jarduera desberdinak egin ahal izateko bidea emango zien balio anitzeko gune bat aldarrikatzen baitzuten. Arriola Kultur Aretoa Elkartea irabazteko asmorik gabeko kultura-elkartea da, eta bere xedea da Elorrion kultura sustatu eta hedatzea. Arriola elkarteak kultura-zerbitzu publiko hau bermatzen du eta bai kultura bere zabaltasun osoan sustatzea ere, biztanleriaren sektore guztiak eta gustu guztiak aintzat hartuta, baina ikuskizun eszenikoak irizpidearekin hautatuta.
