Ye una de les capielles palaciegues más sobresalientes del estilu barrocu d'Asturies, atribuyéndose la obra al arquiteutu Francisco de la Riva Ladrón de Guevara.La capiella de los Dolores ta asitiada na localidá de Grau nel conceyu asturianu del mesmu nome. D'antiguo yera la capiella privada del Palaciu de Miranda-Valdecarzana. Foi mandada construyir en 1713 por Sancho Fernández de Miranda Ponce de León y Trelles, III marqués de Valdecarzana. Na actualidá, ye un bien adquiríu en 1955 perteneciente al Conceyu de Grau, nel que se realizaron restauraciones diverses. Nun tien calter relixosu, si non que nella se celebren diversos actos llúdicos como espectáculos escénicos. La capiella de los Dolores xuntu col palaciu de Miranda-Valdecarzana ye Monumentu Históricu Artísticu.
