Misery en Sangüesa (Navarra)

‘Misery’ ye l’adaptación teatral de William Goldman sobro la novela de Stephen King del mesmu nome. Una pieza de terror psicolóxicu qu’a día de güei ye considerada de cultu.

Paul Sheldon, un esitosu escritor de noveles romántiques, sufre un grave accidente mientres conduz metanes una neva- rada. Poco dempués espierta na casa de Annie Wilkes, la muyer que lu rescató. Pa la so fortuna, ella ye enfermera, asina que, amás d’ufierta-y abellugu mientres la torbonada, lu ayuda cola recuperación de les sos feríes. Ella confiesa ser la mayor almiradora de la saga de noveles de Misery Chastain, creada por Paul. Pero en pasando unos díes na so casa, Paul entama a entrugase si ye seguro tar con Annie.

Saltantes Teatro

Saltantes Teatro ñaz en 2013 de la mano de Luis Alija y Nerea Vázquez, egresaos de la ESAD del Principáu d’Asturies. Tres 10 años de percorríu, especializáronse en trés llínees de trabayu: el ramalazu friki de Luis, el llau creativu musical de Nerea y la representación de grandes testos de la lliteratura universal dramática empobinaos al gran públicu. Dalgunos de los sos montaxes más reconocíos fueron: ‘El método Grönholm’, ‘Gigantes, el musical’, ‘El jorobado’ y ‘Misery’.