Ikimilikiliklik. Mi pequeña en Villaviciosa (Asturias)

DE NEÑA TENÍA UN MIEU ESCOMANÁU A LES BRUXES, ¿CÓMO PODRÍA IMAXINAR QUE TRES LOS AÑOS DIBA CONVERTIME N’UNA D’ELLES?

Cuando Martirio yera pequeña asustábase por munches razones, pero había dos, en concreto, que-y provocaben una medrana ablayante: ver a daquién desprotexíu y les bruxes, eses muyeres solitaries y malvaes que viven en cases vieyes no cimero’l monte.

Martirio, queriendo protexer a la so querida arañina, foi superando una montonera de mieos. Asina cúntanoslo la mesma Martirio quien, yá de mayor, convirtióse en…una “bruxa”.

Una historia de bruxes ensin bruxes, una historia de valientes ensin valientes, una historia máxica ensin magos, una historia de neños que nun son tan neños y unos mayores que nun lo son tanto.

Marie de Jongh, la compañía

Marie de Jongh convirtióse nun referente dientro’l panorama teatral vascu y español empobináu a tola familia. Con un sellu inconfundible, basáu na creatividá del so director, Jokin Oregi, quien escribe y dirixe tolos espectáculos hasta la fecha, ganó numberosos premios y convirtióse nun valor n’alza.

Siguimos el nuesu viaxe hacia un teatru pa tolos públicos, un alcuentru interxeneracional al traviés d’histories creaes pa emocionar.

Axallá que lleguemos sanos y salvos a esi puertu de toos, mayores y pequeños, conciudadanos toos. Énte la insistencia sistematizada d’escoyer ente teatru p’adultos y teatru infantil, empecemos faciendo teatru adultu pa neños y teatru infantil p’adultos, nunca quixímos faer teatru infantil pa neños.

Nun ye fácil, la presión ye fuerte.

Axallá lleguemos.