Globe Story
El perro azul | Errioxa
‘Globe Story’ maitasun-istorioa da.
‘Globe Story’ umore-histeria da.
Bat-bateko maitemin batek betiko elkartuko ditu Greta eta
Maxen bizitzak. Haurtxo eder bat izango dute, eztei-bidaia
itsas bidaia batean egingo dute, maitale baten atzetik ibiliko
dira, ekaitz bat dantzatuko dute eta gaixotasunaz barre
egingo dute ospitale zentzugabe batean. Kartsuki biziko
dituzte beren abentura komikoak, literalki bihotza eskuetan
dutela amaitu arte.
‘Globe Story’ ikuskizunak zinema mutuaren komikotasuna
eta erritmo guztiz azkarra baliatuko du maitasun-istorio bat
kontatzeko. Gune zinematografiko batean girotuta, errebelatu
zahar batetik atereak bezala agertuko dira, sepia tonuetan.
Biek ala biek eskailerak, kutxa bat eta puxika mordo bat erabiliko
dute, zabuak, ekaitzak, mendiak, haurtxoak, txalupak, hondartzak
eta bihotzak asmatzeko.
El Perro Azul arte eszenikoetako proiektua da, Fernando
Morenok sortua eta zuzendua. 2010ean jaio zen, begirada
artistiko pertsonal eta arriskatu batetik, edozein adinetako
publikoa hunkitzeko gauza diren erakustaldi eszenikoko ikuskizunak
eta guneak sortzeko asmoarekin. Entretenimendu
hutsaz harago, konpainiak nahi du ikus-entzuleak topaldi
gogorarazle batean parte hartzea agertoki gainean. Gure
galderak eta ametsak bizi ahal izateko toki komun bat.
Estatuko eta nazioarteko jaialdi garrantzitsuetan parte hartu du:
FETEN, MADferia, Teatralia, Umore Azoka, Mostra Igualada, FIET,
Festival Off Avignon (Frantzia), CINARS Biennale (Kanada),
NAJ NAJ NAJ Festival (Kroazia), Luaga & Losna (Austria),
Scènes & Cinés (Frantzia) eta Programa AECID (Mazedonia eta
Eslovenia).
