Voo / Vuelo

‘Voo’ ye’l nuevu espectáculu de Teatro O Cubo, una formosa pieza de teatru físicu y manipulación d’oxetos pa públicu infantil y familiar que fala de la meta más suañada pol ser humanu: ¡poder volar ensin nales!

Inspiraes por esta utopía, dos personaxes van llanzase a la busca del cielu envolubrando al públicu na ingravidez y la fantasía. Van entamar con ilusión y plasmu, va entrar en xuegu la esixencia y la avidez pol ésitu y van pasar per otros llugares como la convivencia, l’amistá y el descubrimientu del gocie de suañar alto ensin tener que ganar o perder.

La danza, la música, el movimientu, la poesía visual y la comicidá tán presentes en tou momentu, faciendo d’esta propuesta un viaxe pa los sentíos.

Teatro O Cubo ye una compañía gallega d’artes escéniques fundada en 2016 por Sofía Espiñeira y Roberto C. Mouriño. La so propuesta profesional sofítase na hibridación de llinguaxes, utilizando’l teatru como soporte pa entemecer disciplines como’l circu, la danza, la música en directu y el teatru d’oxetos y marionetes. El so trabayu empobínase principalmente hacia’l teatru familiar, de cai y de pequeñu formatu, y caracterízase por una puesta n’escena onde’l movimientu físicu y la manipulación d’oxetos tienen tantu pesu narrativu como’l testu.

Na so trayectoria destaquen montaxes como ‘Nube, Nube, Sol’, ‘Ghop!’, ‘De Vilatriste a Vilalegre’ y ‘Voo’, producciones que reflexen el so modelu de creación interdisciplinar y la so formación técnica en diverses árees artístiques.

Tipu: Teatru y danza

• Públicu: Infantil y familiar
• Duración: 45’
• Idioma: Castellán – Gallegu
• Estrena: 27 d’avientu de 2025. Auditoriu de Galicia, Santiago de Compostela (A Coruña) – Galicia

Contactu:

• Helena Capera – Tel.: 604 019 213
• Sofía Espiñeira – Tel.: 635 288 192
• Lugar Igrexa – Parada 4. 36685 A Estrada (Pontevedra) Galicia
• correo-e
• web