Destacado
Tierra de sombras
Cantabria | Espacio Espiral
‘Tierra de sombras’ ye una propuesta performativa qu’esplora la rellación ente estaos mentales, históricamente consideraos enfermedades, y la creación artística.
Inspirada n’histories reales, recueye les vivencies d’artistes a los que les sos lluches psíquiques alimentaron la so obra o, n’otros casos, dexaron feríes fondes marcaes por práctiques psiquiátriques invasives. La pieza conecta les trayectories de Marilyn Monroe, Leonora Carrington, Frances Farmer, Rosemary Kennedy y Leopoldo María Panero.
Al traviés de música, danza, poesía ya imaxes simbóliques, remémbrense les obres y les vides d’estos personaxes y los estaos emocionales que los travesaron. La música, creada a costa fecha pa esta pieza, envolubra acción y palabra mientres la escena, viva y cambiante, reflexa distintos estaos emocionales adaptándose a los estremaos espacios de representación.
Tres años d’investigación sobro l’arte del actor, fundamos el primer llaboratoriu escénicu estable en Cantabria, desendolcando una llínea basada na antropoloxía teatral y l’entrenamientu actoral como identidá.
Los nuesos espectáculos esploren nuevos llinguaxes escénicos que, partiendo de la tradición, dialoguen col presente. Creamos propuestes que converten el fechu teatral nuna esperiencia única ente creador y espectador.
Esti trabayu foi reconocíu en certames nacionales ya internacionales, destacando ‘Beatus’, estrenáu por invitación de la Embaxada d’España en Roma. Ente los galardones recibíos figuren el Premiu Certame de Nuevos Investigadores Teatrales (Sevilla, 2012) y el tercer premiu xunto al premiu a la Meyor Dirección nel Festival Internacional Ciudá de Trujillo (2014).