El Teatru Filarmónica, asitiáu na cai Mendizábal, frente a la Plaza de Porlier, ye'l segundu teatru municipal magar el so orixe ta venceyáu a la Sociedá Filarmónica, que tien equí la so sede y archivu. Na esquina de Porlier, una placa recuerda qu'esti foi'l barriu xudíu d'Uviéu.El Filarmónica inauguróse en 1944 y foi oxetu d'una fonda rehabilitación en 2004. Con 800 localidaes distribuyíes en dos pisos, esta instalación ye sede de les programaciones de teatru y cine del conceyu y, anque tien un escenariu bien pequeñu, acueye actos mui diversos como teatru, danza, conciertos, concursos y entregues de premios.
