El cascu históricu de Mutriku foi nomáu conxuntu monumental en 1995. Perdese nes sos cais estreches conecta al visitante cola llarga hestoria de la villa, fundada nel S.XIII.Estes cais caltienen el so pindiu trazáu orixinal, y anque en 1484 y en 1553 dos quemes afararon la villa, entá pueden atopase nella cases señoriales y palacios d'ente los sieglos XV y XVIII, dalgunos d'ellos declaraos monumentos históricu-artísticos. Desgraciadamente namái queda una pequena parte de la muria orixinal yá que, como n'otros munchos llugares, gran parte de la mesma foi destruyida nel S.XVIII n'ares del modelu urbanísticu, bien poco conservador, que daquella preconizaba la ilustración. Sicasí, eses mesmes idees inspiraron la ilesia neoclásica de La nuesa Señora de l'Asunción, la Plaza Txurruka y la Plaza Zabiel.