Las guardianas o el nudo del tejedor
Galicia | Teatro de Ningures
L’apartamentu de Rosa ye l’acoyedor abellugu d’una tribu de cuatro muyeres mayores organizaes. Trabayadores xubilaes dela industria testil, tán decidíes a caltener la so independencia. Cuando la fía de Rosa propón-y treslladala a una institución médica y vender l’apartamentu, entama una llucha ente dos visiones d’avieyar bien. Defenden el so derechu a vivir xuntes y en llibertá y piensen una serie d’estratexes pa convencer a la fía de que la suya ye la meyor posición.
Falamos del cuidáu de les persones mayores, contrastando’l mundu de les residencies col calor humano de la familia y la comunidá. L’autor narra con sensibilidá la resistencia d’estes guardianes” escontra la dura modernidá.
Teatro de Ningures ye una compañía comprometida col so territoriu, participando activamente nos proyectos culturales, sociales y políticos de la so redolada.
Activa na realización de proyectos artísticos (más de 30 producciones teatrales), educativos (Escuela de Teatru de Cangas, aules de formación teatral na Universidá de Vigo) y festivales (Muestra de Teatru de Cangas, Muestra Universitaria de Vigo y Pontevedra), que respuenden a les necesidaes social y culturales de la zona.
Teatro de Ningures ye un proyectu d’investigación permanente qu’aspira a emprestar un serviciu a la comunidá, dende la cultura y ensin ignorar lo qu’asocede al nuesu alredor, provocando entrugues que puedan ayudar a atopar soluciones o fomentar l’alderique.
