Hellen Keller, ¿La mujer maravilla?
Chévere | Galicia
Too entama al desanubrir la historia d’una muyer llamada Helen
Keller. Nacida en Tuscumbia (Alabama, EE.XX.), conviértese
nuna celebridá mundial al ser la primer persona sordociega
n’algamar un títulu universitariu en 1904 en Harvard. Esta ye
la parte de la so vida que s’afita na memoria colectiva, como
un modelu exemplar de superación de la discapacidá.
Investigando en dellos archivos norteamericanos descubrimos
el so activismu políticu, una faceta de la so vida sistemáticamente
anubierta. ¿Por qué? ¿A quién-y interesa facelo?
¿Porque ye una muyer, sorda y ciega? ¿Porque nun s’acepta
qu’una de les persones más famoses del sieglu XX n’EE.XX. sía
comunista? ¿Porque una muyer con discapacidá nun puede
ser una líder anticapitalista?
Tratase d’un espectáculu accesible pa persones sordes, ciegues
y sordociegues.
Chévere ye una compañía d’axitación teatral, con más de
35 años de trabayu a los sos llombos, que supo caltener con
naturalidá una propuesta de creación propia tan irreverente
como xenuina. En 2014, recibió’l Premiu Nacional de Teatru pol
so compromisu social y cultural y pola so coherente trayectoria
de creación colectiva, transgresión de xéneros y conexón crítica
cola realidá.
Dende 1988, Chévere fizo espectáculos de mui distintos estilos
y formatos. Usando l’humor como filosofía y el pensamiento
críticu como ferramienta, les sos obres confronten nel escenariu
los alderiques del presente cola memoria d’un pasáu recién, con
un llinguax contemporáneu accesible a públicos mui diversos.
