La naturaleza del silencio en Llanes (Asturies)

Espectáculu de danza contemporánea pa cuatro intérpretes. El silenciu tien munches cualidaes. Esiste’l silenciu ente dos ruios, el silenciu ente dos notes musicales y el silenciu que s’espande nel intervalu ente dos pensamientos. Esiste, tamién, un silenciu peculiar, tranquilu, sele, que surde d’un atapecer nel campu; ta’l silenciu al traviés del cual siéntese’l lladríu d’un perru qu’aporta dende la distancia, o’l xiblíu d’un tren; esiste’l silenciu d’una casa cuando tol mundu duerme, y la so peculiar intensidá cuando ún s’espierta a medianueche.

Ta’l silenciu d’una vieya casa erma, el silenciu’l monte y el silenciu que comparten dos seres humanos cuando dambos vieron lo mesmo, sintieron lo mesmo y actuaron.

Babirusa Danza, la compañía

La compañía entiende’l fechu escénicu como un artefactu complexu onde toles partes son fundamentales. Nos sos trabayos axúntense la danza contemporánea, lo cinematográfico, lo poético y la guapura, tando presente nes sos coreografíes una fisicalidá enllena de matices. La fuerza emotiva de les sos composiciones tresllada al espectador a ser parte de la obra, faciéndo-y parte y trabayando la empatía como motor de la comunicación. Les sos fontes d’inspiración son lo humano, lo animal, la esistencia y la trescendencia.

Tres más d’una década como compañía residente en Madrid anguaño treslladáronse a Santander, la so ciudá natal, coles mires d’activar la periferia al traviés de la danza. Interesaos na creación de nuevos públicos utilicen l’apertura de los sos procesos creativos pa consiguir un mayor caláu na sociedá, xenerando un diálogu ente la ciudadanía y los artistes.