Skip to main content

Camín Espandíu

La programación espandida de camín Escena Norte toma tola actividá fora del itinerariu de funciones como exa vertebrador, arrodiar y complementa multiplicando los sos efectos a nivel de relación colos públicos, alcuentru, mediación, dinamización profesional y sectorial. Ta estremada en dos grandes bloques d’actividaes o llínees d’acción, les actividaes para públicu profesional y de dinamización profesional per un sitiu, y por otru les de relación co los públicos.

Actividaes de rellación colos públicos

ACCIONES D’ACOMPAÑAMIENTU AL RODIU LOS ESPECTÁCULOS

Talleres, alcuentros col públicu, visites, dinámiques de xuegu en familia, acciones de collaboración con colectivos y entidaes. Tola actividá que va contextualizar la programación d’espectáculos del Itinerariu Constelaciones nes distintes sedes tien una importancia fundamental dientro de Camín Escena Norte, que fuxe de ser namái un circuitu o rede interterritorial pa intentar texer otres relaciones, sinerxies y posibilidaes acullá de la rellación establecida espectador/a – espectáculu.

ESADS EN CAMÍN

Esta otra iniciativa de la programación espandida de Camín Escena Norte ye un proyectu de collaboración ya intercambiu pedagóxicu coles escueles superiores ESAD de Galicia, ESAD d’Asturies y la ESADD d’Euskadi (Dantzerti) puestu en marcha’l pasáu 2022.

Esta acción de collaboración naz, a propuesta de les escueles superiores y enmarcada nel so proyectu de collaboración ESAD en rede, pa poner en contactu al alumnáu de les escueles superiores d’enseñances artístiques con profesionales n’activu, nesti casu coles compañíes en xira nel Itinerariu Constelaciones de Camín Escena Norte. En 2024 ESADS en Camín propón distintes acciones alredor de los espectáculos del itinerariu en Santiago de Compostela, Xixón y Bilbao.

MIRANDO LES CONSTELACIONES

Al traviés de www.escenanorte.com y d’un trabayu d’espardimientu per aciu de les RRSS del proyectu, nesta 6ª edición facemos un “mapéu” de les 60 sedes nes que va haber actividaes de Camín Escena Norte. Queremos centrar l’atención na importancia d’estos espacios, escénicos o non, a nivel llocal, como espacios d’alcuentru, socialización ya intrahistoria de les llocalidaes, muncho más allá del so valor patrimonial o arquitectónicu. Acullá de les sedes que yá son de tipu patrimonial (capiyes, places…) trátase tamién de poner el focu nos teatros de les llocalidaes pequeñes (percima de too) y el so interés y relevancia a tolos niveles.

Con esti “mirar les constelaciones” queremos dimensionar l’itinerariu de funciones y otres actividaes pola tipoloxía diversa d’espacios que nos acompañen, dando a los públicos información de toes estes “constelaciones” que conformen el proyectu.