Multiperspectivas#3
Galicia | Paula Quintas Cía.
‘Multiperspectivas#3’ ye una propuesta orixinal y novedosa
que surde de la perspectiva del espectador como reflexón contemporánea.
Combina improvisación teatral, danza, circu y performance,
dexando espaciu pa la interacción col públicu.
Una propuesta qu’esperimenta coles llendes de les artes escéniques
pa enfrentase cola realidá del espaciu que nos arrodia:
les llendes ente lo privao y lo público, y lo vivencial nel arte
nuna instalación circense compartida a tiempu real.
Paula Quintas (Ourense, 1983) ye baillarina, artista circense,
coreógrafa, pedagoga y xestora cultural. Tien un máster n’Artes
Escéniques pola Universidá Rey Juan Carlos ya investiga les
llendes y les confluencias de les artes corporales, dientro del
Programa de Doctoráu en Creación ya Investigación n’Arte
Contemporáneu, na Universidá de Vigo.
Paula Quintas Cía. ye una compañía con una trayectoria de
diez años produciendo espectáculos de formatos y disciplines
diverses. Hibridar danza y circu ye la so marca. El so trabayu
destaca pol diálogu ente’l cuerpu y el movimientu, xenerando
un componente visual y experiencial al traviés de códigos
contemporáneos.
