”Soñando a Lorca”, Ábrego Producciones (Cantabria)

¿Por qué les neñes y neños nun pueden tener la oportunidá de cavilgar sobro’l pasáu y suañar con una sociedá más igualitaria, tolerante y llibre, onde naide pueda ser xulgáu o condergáu poles sos idees?
Una obra pa neños basada na vida y obra de Federico García Lorca. Reivindica’l derechu a recordar la hestoria como una ferramienta cultural poderosa que puede ayudar a desendolcar una comprensión más fonda de la cultura, fomentar valores imprescindibles y recordar la importancia de la llibertá y la xusticia como elementos tresformadores de la sociedá.
‘Soñando a Lorca’ quier poner n’escena los sentimientos, poemes, cantares y cuentos escritos pol xenial Federico.

Ábrego Producciones ye una compañía de vocación internacional asitiada nuna pequeña localidá de Cantabria. Les sos propuestes preséntense n’escenarios de países repartíos pelos cinco continentes.
La compañía naz pa dar respuesta a la necesidá de definir “el proyectu escénicu, personal y vital” de María Vidal y Pati Domenech, quien lleven más de venti años percorriendo escenarios de tol mundu, con espectáculos d’ética y estética comprometida, fomentando valores y defendiendo causes qu’a naide dexen indiferente.
Reflexones sobro la discapacidá, la violencia de xéneru, la memoria colectiva o en defensa de la biodiversidá, son dirixíes a públicos de toles edaes.

https://vimeo.com/1054563972?share=copy

Entrada llibre hasta completar aforu.