La casa de los dedos en Xixón (Asturias)

Una historia de dificultá, rindición y esperanza. La barraca de feria ‘La casa de los dedos’ viaxa de manera itinerante per tolos pueblos medianos y pequeños de la xeografía española. Ellí onde lleguen traen y amuesen el mundu sorprendente y estraordinariu de lo oculto, del más allá, de les criatures pantasmagóriques ya inesplicables que viven ente nós, pero pertenecen al mundu de los muertos.

Ruth Garreta-El Conejo Salvaje
‘La casa de los dedos’ ye la primer creación de El Conejo Salvaje, una apuesta pergraciosa, qu’axunta sobro un peculiar escenariu a trés creadores escénicos escéntricos y multidisciplinares col sellu inconfundible de la comedia xestual, enllena de babayada y provocación d’Aitor Basauri, cofundador de la compañía Spymonkey.

La compañía apuesta por una creación interdisciplinar qu’entemez les técniques de clown, circu, comedia física y teatru cómicu-xestual, dando llugar a un espectáculu eclécticu que nos tresporta a l’atmósfera onírica del circu.