Anónimo. La vida de Lazarillo de Tormes y de sus fortunas y adversidades en Navia (Asturias)

Poques noveles retraten la situación social y política que les arrodia de manera tan nidia, sogona ya intelixente como lo fai’l Lazarillo de Tormes: Lázaro entama un viaxe, tantu físicu como iniciáticu, per una España gloriosa, arrogante, grandona, doliente, medrosa y envilecida. Pero, magar l’aparente ablayamientu que pueda paecer que trai, el Lazarillo ye una comedia áxil, fresca y pergraciosa. Una comedia gamberra y que nun concede respiru, y que, cuando posa, da pasu a la reflexón y al pensamientu críticu.

Hilo Producciones

Hilo Producciones naz en Santander en 2008, de la mano de Begoña García, dempués de más de 20 años d’esperiencia en distintes compañíes nacionales.

Nesta aventura acompáñala Sandro Cordero, responsable de la parte artística, como autor, director y actor de los sos montaxes más emblemáticos. Dende los sos entamos apostaron poles revisiones de los testos teatrales clásicos, que dexen averar los grandes autores al públicu d’anguaño.