Elektrical Body
Dinamo Danza | Navarra
En ‘Elektrical Body’ queremos traducir al movimientu la guapura de la fuercia electromagnético. Inspirámosnos nos principios físicos d‘esta fuercia para faer un percorríu al traviés de la danza: dende’l choque de partícules de los diagrames de Feynman, pasando pela busca física de los circuitos electromagnéticos del cuerpu, hasta les composiciones de les aves migratories que s’empobinen pelos campos magnéticos del planeta.
Dínamo ye una compañía de danza y artes del movimientu que naz como plataforma d’investigación ya intercambiu ente diversos llinguaxes artísticos col envís de crear poesía al traviés del cuerpu en movimientu. Queremos xenerar un diálogu, nel que cada integrante apurre dende la so esperiencia en pos del trabayu común.
Nació en 2013 con sede en Pamplona y, de magar, creemos propuestes en dellos formatos que se presentaron en festivales nacionales ya internacionales.
En 2020, xunto con Joaquín Sevilla, físicu y divulgador científicu, ábrese una llínea d’investigación que pon en diálogu ciencia y arte.
A partir de fundamentos científicos y práctica artística, el retu ye construyir la percepción del cuerpu como una entidá enerxética.
