Destacado
Atra Bilis
Cantabria | Hilo Producciones
Cuatro vieyes enllenes de rensía y amargura axúntense nel veloriu del maríu de Nazaria Alba Montenegro nuna nueche de torbonada. L’ambiente ye favoratible pa la conversación y surden les alcordances, los desamores, los secretos y los odios ocultos, qu’abren la tapa los truenos.
Too llistu pa la comedia. Negra, feroz, brillosa y dinámica. Les sos cuatro muyeres espleguen sobro la escena -en maraviyosa unidá de tiempu y espaciu- les sos miseries, mieos y deseos a golpe de risotiada.
Una premiada comedia negra, bien negra, de Laila Ripoll, enllena d’aires fratricides, homicides, gaticides y tolo malo qu’acabe en “ides”.
Premiu Oh! 2026 a Meyor Espectáculu, Meyor Dirección, Meyor Interpretación Femenina y Meyor Indumentaria.
Hilo Producciones naz en Santander en 2008, de la mano de Begoña García, dempués de venti años d’esperiencia en distintes compañíes nacionales. Nesta aventura acompaña-y Sandro Corderu, responsable de la parte artística, como autor, director y actor de los sos montaxes más emblemáticos. Somos una empresa productora d’artes escéniques y de diseñu y xestión de proyectos culturales.
Gústanos anovar los clásicos -dexámoslo claro en ‘Anónimo’, ‘I love Catalina’, ‘Desdémona’, ‘Tal vez soñar’- y trabayar en proyectos de creación de públicos y d’espardimientu teatral. Nestos años estrenemos más de 40 espectáculos de distintos formatos, con ésitu unánime de crítica y públicu. Gústennos les sinerxíes y conocer nueves formes de trabayu: ‘Atra Bilis’ ye un proyectu de coproducción interautonómica, xunto coles compañíes SótanoB y La Estampa Teatro.