Centru D’interpretación Tito Bustillo

La Cuevona d’Ardines ye una inmensa cúpula xeolóxica que forma parte del sistema de galeríes del Macizu d’Ardines. Destaca la so sala principal, onde’l techu algama los 40 metros d’altor, güei furáu por una buraca natural que dexa’l pasu de la lluz diurno.

Alviértese que p’algamar la Cuevona ye precisu aportar al traviés de 300 escalones. La Cuevona d’Ardines ta integrada nel sistema cavernariu de Tito Bustillo y, paez posible qu’al traviés d’ella s’aportara al sector oriental de la cueva de Tito Bustillo, pero un derrumbe asocedíu fai miles d’años torgó la conexón ente dambes. La sala principal de la Cuevona ye una planta circular d’unos ochenta metros de diámetru, con parés cóniques col vértiz esgarráu que dexa pasar la lluz natural dende un altor de 70 metros.