Auditoriu Municipal Gustavo Freire

L’Auditoriu Municipal Gustavo Freire de Lugo, allugáu nel Parque da Milagrosa, nel popular barriu lucense col que comparte nome, ye referente de la ciudá de Lugo en materia d’artes escéniques. 

Dotáu con un aforu pa 850 persones en condiciones normales, alluga mientres tol añu tanto los programes d’artes escéniques del Ministeriu de Cultura como representaciones d’empreses privaes. La Muestra de Teatru Clásicu, el Festival Internacional de Cine d’Autor, la Muestra de Teatru Universitariu, y munchos otros eventos complementen la so programación. Dispon d’un ampliu aparcamientu gratuitu y ta asitiáu nuna redolada natural y sele como ye’l Parque.