52 Hercios
Ados Teatroa | Euskadi
El títulu de la obra fai referencia a la frecuencia d’un estrañu soníu rexistráu nos postreros 35 años en distintos llugares del Pacíficu, similar al cantar d’una ballena azul. Pero les ballenes azules comuníquense en frecuencies que van de los 10 a los 39 hercios, polo que la voz d’esta estraña ballena solitaria, cimblando a ‘52 hercios’, queda fuera del umbral auditivu de la especie. Nenguna otra ballena pudo enxamás escuchar la so llamada.
Supónse que la ballena de los 52 hercios, o Whalien 52, pue ser sorda de nacencia y que por eso enxamás deprendió a emitir el so cantar na frecuencia correcta. La obra utiliza la metáfora d’esa ballena solitaria, convertida nun símbolu del aislamientu social, p’afilvanar una mirada poliédrica sobro persones que tán sufriendo o carecieron momentos de soledá ensin deseyar.
L’ecu d’esi soníu trespasa’l testu y la puesta n’escena, nun tonu non realista, enllenu d’imaxes poétiques y coreográfiques.
Ados Teatroa foi creada en 1994 cola ilusión de contar histories y llevantar espectáculos que mos prestaren, emocionaren ya interesaren, creyendo qu’esa yera la forma d’interesar, prestar y emocionar a la xente.
