3 elementos. Una experiencia mágica inmersiva 360º
Hodei | Navarra
Lloñe de los espectáculos tradicionales, Hodei preséntanos una esperiencia máxica inmersiva enxamás vista, onde l’ilusionista va revelar los 3 elementos que marcaron el camín escontra lo que somos güei, amosándonos cómo pueden inspirar el nuesu propiu percorríu, nun alcuentru onde la maxa entemezse con histories y emociones.
Énte un públicu reducíu y queriendo amosase dafechamente, va facelo arrodiáu 360°, nun ambiente íntimu nel que cada intre ye únicu y cada detalle ta diseñáu con procuru pa que’l públicu se convierta nel protagonista d’un viaxe multisensorial. Nun espaciu cercanu, lloñe de los ensames, la maxa nun solo se ve… siéntese.
Hodei (Premiu Nacional de Maxa 2025) ye un ilusionista especializáu en maxa teatral que, dende 2014, desendolca espectáculos con una clara vocación escénica, nos que la maxa intégrase como ferramienta narrativa al serviciu del mensaxe.
El so trabayu parte de la busca constante d’una maxa contemporánea, capaz de conectar col espectador actual y dialogar con él dende lo emocional, al traviés de producciones que xeneren una esperiencia compartida.
Con formación y percorríu venceyaos al teatru dende la infancia, les sos propuestes amiesten testu, comedia xestual y una puesta n’escena cuidada.
Amás, llevó la so maxa a Francia, Portugal y Alemaña, asesoró en cine, musicales y publicidá, y tien feches funciones énte más de 5.000 espectadores.
