Skip to main content

Cantabria | Escena Miriñaque

Cantabria | Escena Miriñaque

‘tÁ’ ye una obra de danza-teatro onde’l realismu máxicu cobra
vida nun monte nel que se naturaliza lo irreal o estrañu como
daqué común.
Los sos dos personaxes, peculiares, risonderos y sensibles, van
desendolcar una rellación d’amistá basada nel crecimientu
emocional al traviés del xuegu.
A la fin del espectáculu, va convidase a les neñes y a los neños
a adientrase nel monte d’una forma mui especial… Baillando.
Ye un espectáculu qu’usa’l cuerpu y les onomatopeyes col fin
de poner en valor non solo lo que se diz, sinón lo que se tresmite.
Premiu Nacional d’Artes Escéniques pa la Infancia y la Mocedá
2024.

Escena Miriñaque fai xires añales con alredor de 80 representaciones.
A lo llargo de 20 años fizo más de 30 creaciones
de tolos formatos, a nivel nacional ya internacional. Anguaño
dispón de 4 espectáculos en repertoriu pa neños y neñes y una
coproducción empobinada a públicu mayor de 16 años.
Los sos espectáculos representáronse en toles comunidaes
autónomes del nuesu país y viéronse en 3 continentes y en llugares
como Chile, Arxentina, Paraguay, Uruguai, México, Mediu
Oriente y EE.XX.
La compañía caltien un fuerte compromisu col públicu familiar,
especialmente coles artes escéniques pa la infancia, y foi
galardonada con dos Premios MAX y un Premiu FETEN, ente
otros.


https://vimeo.com/825760564

Tipu: Teatru / Danza
  • Públicu: Infantil y Familiar
  • Duración: 35’
  • Idioma: Castellán
  • Estreno: 16 d’abril de 2023. Teatru Calderón, Valladolid – Castilla y Lleón

Contactu:
  • Noelia Fernández
  • Tel.: 942 052 911
  • C/ Isaac Peral, 9 39008 Santander – Cantabria
  • correo-e
  • web


Próximos Eventos